舊年呢個時候，我應該已經飛左台灣七、八轉，而今年係一次都無去過！！所以經過尖沙咀美麗華廣場見到 老虎堂Tigersugar 新店，即刻飲杯黑糖波霸非常合理。
我這杯黑糖波霸亦非一般黑糖波霸，而係換左 #豆奶 做的「#黑糖波霸豆腐花豆奶加厚」，入面仲有豆腐花添！！飲起來無平時咁甜，豆腐花、豆奶再加黑糖珍珠絕對係夢幻組合，一飲就好似去左台灣咁！
如果你唔飲得牛奶又想試下老虎堂名物，宜家就有機會啦！不過要注意「加厚」個奶霜都有奶成分，請店員不要加就OK。
除了期間限定的豆奶飲品之外，我覺得「#黑糖珍珠鳳梨酥」和「#黑糖厚奶爆米花」都好吸引。今年中秋除左月餅都可以食珍珠鳳梨酥！宜家預購定九月中就可以提貨，我非常期待！到時食完再同你分享食後感。
老虎堂新店地址
美麗華廣場第一期G38號舖(即金巴利道與加拿分道交界）
_ _ _ _ _ _ _ _ _
按讚追蹤早安！晨之美！ ♡ 緊貼最新蔬食情報
Search